美食新聞報道｜大廚發辦尖沙咀正宗泰北菜 必食酸辣豬肘湯/燒原條大尾魷魚

《美食新聞報道》今集星級大廚莫燦霖莫San帶黃婧靈（波波）試尖沙咀正宗泰北菜！必試酸辣豬肘湯，酸香辣勁十分開胃，豬肘肉質爽嫩。燒原條大尾魷魚鮮甜彈牙，師傅每朝親自去街市買貨保證新鮮。還有泰式鴨肉碎生菜包，配上泰國香料同脆豬皮，食落層次豐富。馬拉盞椰菜苗，爽脆清甜夠鑊氣，秘訣在於猛火快炒，看得出師傅功架！

此外，波波繼續推介九龍城人氣甜品店，必食斑斕冰心包，無添加糖，味道較清淡；斑斕千層糕每日由泰國新鮮直送到港，外觀似一朵花，富有彈性，老闆建議最好三至四天內吃完。

蔡景行（行仔）到觀塘試食20年老字號正宗馬來肉骨茶，肉骨茶湯底材料非常豐富，用上當歸、川芎等廿種藥材，補身之選！花膠鮑魚墨魚滑雞湯，行仔食完即大讚味道純粹：「完全冇任何其他添加嘅味道，只有雞同花膠嘅味道！」還有花雕醉雞，酒味濃郁，雞肉嫩滑，幾十元即享相當抵食！