黃紫恩清宮造型有驚喜 神撞樣《大生意人》「慈禧」林夏薇 網民受落激讚

黃紫恩（Jojo）憑TVB節目《直播靈接觸》成功入屋，靚樣身材正的她因外貌與視后林夏薇相似而有「後生版林夏薇」之稱。近日她大玩宮廷風，在社交平台上載一輯清宮Look扮相益粉絲，無論造型還是氣場都似足薇薇在《大生意人》中扮演的「慈禧」，引網民熱議。

《大生意人》林夏薇

黃紫恩透露自細的願望是想拍古裝劇：「細個成日睇好多壞腦喊黎喊去嘅古言小說，每次睇到小說改編做電視劇就會好羨慕個演員：『如果係我做就好了』一直有個願望好想拍一次古裝劇所以諗辦法碌咗入娛樂圈，但我啲戲真係好屎，所以連劇都冇乜拍過」。

相中的她如願換上清裝過戲癮，見其置身宮殿及紅牆前，回眸淡笑，不怒自威，舉手投足間盡顯端莊威儀，全新造型令大家眼前一亮，留言區幾乎被「參見娘娘」洗版，更有人大讚她有氣勢，可以嘗試拍宮鬥劇！