
胡楓(修哥)與羅蘭是多年摯友,近年更屢傳「黃昏戀」。日前二人作客訪談節目《一周星星》,當被問及這段「緋聞」時,修哥爽快笑答:「係呀!一Pair好耐喇!70幾年喇」,更向主持人區永權霸氣喊話:「你夠膽問我就夠膽答」。
原來不少圈中好友都對二人的關係相當好奇,連炎輝亦曾斗膽直接問前輩到底屬真屬假。面對身邊好友的追問,修哥與羅蘭姐索性投入「劇情」陪大家玩,一個笑指酒樓冇位擺酒、一個附和指「教堂都冇位啊」,修哥更補上一句「冇地方洞房花燭」,相當鬼馬。
面對九十多歲高齡依然成為話題焦點,修哥豁達表示:「唔緊要,到咗90幾歲都仲有新聞」,而羅蘭姐亦展現高EQ,笑言:「睇到佢呃到人哋,大家又笑到好開心,咁我自己都笑埋」。







