玫瑰戰爭丨文凱婷孖羅皓誼俏皮拍試造型照 緊抱互動展現好姊妹情

台慶劇《玫瑰戰爭》熱播當中，劇中由文凱婷（Aeren）和羅皓誼（Chloe）分別飾演「夏無雙」（楊茜堯飾）及「關子盈」（陳自瑤飾）的年輕版。日前文凱婷在社交平台上載一段去年的試造型花絮短片，並分享當時的搞笑感受，留言寫道：「已經係上年的事了❤️當時試造型嘅感覺係：今次啲衫好舒服😙全部oversize，唔洗縮肚，唔洗蹺腳坐!!! 安全感滿分💯今次我都係有個好朋友羅皓誼!!! 我嘅任務就係陪佢，同埋唔畀人蝦佢😾 (但最後都守不住😭)」，字裏行間更暗藏角色往後悲劇發展的伏線。

從曝光的試造型片段所見，文凱婷首先展示一套全黑休閒造型，以黑色連帽衛衣配襯深色微喇牛仔褲及厚底波鞋，梳起一頭超長高馬尾，她更在片中笑言「啲頭髮長到髮型師都驚」，並透露這套心水造型最終未有採用。隨後她換上白色短袖T恤外搭深藍色牛仔背心及闊腳牛仔長褲，與身穿紅色背心襯牛仔短裙、紮起側邊麻花辮的羅皓誼合體拍攝雙人造型照。兩人在鏡頭前緊緊相擁，一時嘟嘴賣萌、舉V字手勢，一時又從後環抱擺出鬼馬表情，盡顯戲裏戲外的好姊妹默契。