港妻迷你愛心飯盒引熱議 網民憂老公唔夠飽：家用畀唔夠？ 事主親解真相！

不少港妻都會為另一半準備愛心飯盒，日前便有一名女網民在 Facebook 群組「香港帶飯關注組」發帖分享日常，貼出親手烹調的午餐相片並簡單留言：「煮飯比老公帶返工」。

然而，相中飯盒的「迷你」視覺效果卻意外成為全場焦點。照片顯示，該個長方形不鏽鋼雙格飯盒擺盤猶如日式便當般工整，右格盛載白飯，左格則放有一件厚切長方形煎蛋、少量肉片、兩至三棵白菜仔，不過從俯視角度看去，飯菜份量似乎相當袖珍，白飯目測三啖便能吃光。

這份「精緻小食量」愛心飯盒隨即引爆網民討論，大批網民留言替男主人感到擔憂：「老公夠唔夠飽？」、「我仔的份量好似都比呢度多」、「少左d wo」。同時，更有不少網民笑指這是「無聲抗議」，紛紛留言起哄：「介唔介意講下老公琴晚做錯咩？」、「玩暗示OK喎 一定係家用比唔夠」、「激嬲老婆系列」。

對於一眾網民的爆笑猜測與關切，樓主看後亦忍不住笑回：「咁多人關心我老公肥定瘦 飽定餓 真係窩心」。她隨後亦為飯盒份量「平反」，指出其實是不鏽鋼飯盒較深才令人誤會：「睇落好少？可能個盒深掛白飯果邊滿一碗份量，餸果格仲大格啲」，澄清絕對夠丈夫飽肚。