玫瑰戰爭｜陳星妤青春活力短裙Look登場 與楊茜堯馬國明對戲極緊張 親爆兩前輩暖心舉動

《玫瑰戰爭》昨晚（11日）播出的最新一集中，新晉女神陳星妤飾演的「寶兒」首度登場！星妤一登場即以青春無敵的短裙 Look 亮相，更與兩大視帝視后夏無雙（楊茜堯飾）及李德龍（馬國明飾）上演多場精彩對手戲，剛登場便吸引全網關注！

劇情講到，寶兒（陳星妤 飾）其實是關子盈（陳自瑤飾）的親生女兒，今次因照顧昔日家中的老工人莊姐而暫時返回香港。寶兒在便利店偶遇劫匪，與德龍（馬國明飾）聯手制伏匪徒，過程中寶兒大展出色的「武」術底子，三兩下俐落身手便成功制伏劫匪！加上她隨手紮起頭髮時的的神態，令德龍瞬間勾起對子盈過往的點滴回憶。

除了俐落打戲，寶兒與德龍的搞笑互動亦成為大亮點！寶兒覺得德龍有點面熟，直率追問：「你係咪嗰個耳聾？」德龍即反駁：「咩耳聾呀！李德龍呀！」寶兒繼續毒舌：「好似好耐冇見你拍戲，你係咪退咗休？」德龍連忙澄清：「咩退休呀！我揀戲拍，啲劇本唔攞獎嗰啲我唔拍㗎！」寶兒隨即取笑：「即係你過咗氣？」二人你一言我一語，爆笑對白火花十足！

今次是陳星妤首次與楊茜堯及馬國明合作，星妤接受 tvb.com 獨家訪問時直言初時壓力甚大：「因為要同佢哋演比較親密嘅關係，一開始確實有啲緊張。不過我有主動傾多啲偈，加上佢哋好友善，大家愈拍愈放鬆。」

星妤更透露兩位前輩在現場極具親和力，除了耐性解答演技問題，更會在拍攝時主動護航：「有時我拍緊情緒戲，佢哋見到我情緒到位，會即刻幫我叫導演：『佢情緒到喇，畀佢拍先啦！』 呢啲舉動令我好感動好感激！」