車Cam直擊｜女鐵騎入彎失控撞欄抄車 網民：入彎唔收油咪炒囉！

網上流傳一段車Cam片段，顯示一名女鐵騎士駕駛電單車行經一處彎位時，疑因車速過高且未能及時減速，整部電單車直接衝向路邊防撞欄。衝擊力導致鐵騎連人帶車翻倒，車體在水泥路面上高速滑行，瞬間摩擦出火花，過程萬分驚險。

片段於社交平台曝光後，迅速引來大量網民關注。不少車友及網民留言分析意外原因，認為肇事女鐵騎的過彎技術欠佳，批評指：「入彎唔收油，又扭唔掂架嘢咪炒囉！」、「唔敢壓低車過，請入彎前減速」，亦有網民提醒：「唔熟架車就唔好太高速入彎」。

同時，不少人慶幸後方車主集中注意力並及時煞車，紛紛留言大讚：「好彩樓主殺得切車咋，如果唔係後果不堪設想。」、「2秒距離 + 後車反應好重要」。另外，對於女鐵騎在意外中的裝備，有網民憂心其皮膚擦傷，藉此呼籲騎車者應時刻注重保護裝備，表示：「成日都同啲人講 就算過兩條街都着返條長褲啦」、「對腳有冇花晒？」、「睇見都痛」。