港人3年前遺失耳機 最終定位遠至加拿大 居加港人熱心上門奇蹟尋回

有網民日前在社交平台發文，分享其遺失耳機的奇妙飄流記。樓主透露，其耳機於2023年10月31日在荷里活廣場遺失，隨後定位顯示耳機由新蒲崗一路「漂流」至距離香港12,540公里外的加拿大安大略省萬錦市（Markham）Belford Crescent一處住宅單位。樓主看着定位感嘆：「咁就3年啦，如果俾我去到加拿大我會搵返你出嚟」，並直呼情況「Ho crazy」。

貼文發布後引發網民熱烈討論，不少身在加拿大的港人深受感動，紛紛留言主動請纓表示可以幫手上門尋找。未幾，一名行動力極高的居加港人真的一探究竟，並成功尋獲該對耳機。該網民上載一張於車內拍攝、印有「KARIF」字樣的AirPods Pro實物照片，留言向樓主確認：「係咪呢個？」

面對其他網民對過程的好奇，該名熱心港人詳細交代經過：「行去門口㩒鐘仔，之後show埋失蹤幅圖俾佢睇，之後係咁話自己係二手舖買，我問佢二手舖有冇開單佢哋話冇，之後就拎返出黎叫我拎返俾物主。」 這場高效率且和平解決的「跨國尋物行動」贏得大批網民喝采，不少人感嘆居加港人極具凝聚力，充分展現出港人無論身在何處都熱心互助的珍貴精神。