車Cam直擊｜電單車尾隨Van仔連切兩線 直剷路肩險撞壆

網絡流傳一段車Cam影片，直擊一輛電單車緊貼前方Van仔車尾行駛，隨後兩車同時連切兩條車線至快線，豈料電單車疑因車速過快，衝剷上路肩更險些直接撞向石壆，險象環生。片主上載影片並無奈呼籲：「揸電單車要小心D」。 

大批網民怒斥鐵騎駕駛態度危險，留言：「有經驗唔會咁爬頭,遲早出事,講完.」、「唔知佢為乜，痴咁貼... 妹下妹下咁搵自己條命教飛...」、「最憎呢啲由慢線上高速嘅車一野直插去快線，仲要唔係快，中線有鬼咩，阻X住晒」。

亦有網民指其跟車太貼喪失安全距離，留言分析：「電單車本身優勢就係提速快，想爬頭又唔留多d 位應變，跟到咁x貼完美擋哂自己視線」。