港人苦等14年派油塘公屋 房署註明「特殊情況」冇得睇樓

苦等 14 年終於等到公屋首派，卻遇上無法睇樓的罕見情況。有非長者一人申請者近日在公屋討論區發文，指收到房屋署的派樓信，獲分配油塘油麗邨信麗樓一個月租 $1,492 的單位。惟信件內容令樓主大感困惑，發帖求助：「請問大家有冇遇過呢個情況？收到派樓信但信件寫明，因為裝修所以冇得睇請問大家有咩意見？（第一派）非長者一人，等了14年」。

信中更有兩處特意以畫線及框線標註，寫有「特殊情況」、「此編配單位須進行基本維修及小型修葺工程」及「或因工程進度未能即時安排視察」，令單位情況蒙上一層神秘色彩。樓主隨後親自揭開「特殊情況」的謎底，直指：「單位有人自然身故」。

帖文引來大批公屋申請者與網民圍觀討論，並提供不同建議：

·       過來人經驗分享派：有網民指出房署有相應機制，指即使無法入內，「如果到時冇得睇主任會同你講會聯絡返你個單位會留俾你先，但係唔使決定要唔要」；亦有網民建議「照上門睇」，表示「多數有工人翻新中」。

·       力撐要樓派：不少網民認為自然身故屬於平常事，並強調樓主已苦等了 14 年，加上油麗邨地理位置優越，勸喻樓主「值得認真考慮」，切勿輕易放棄。