TVB小劇場｜《死有對証》馬貫東面對「死亡拷問」直男式神回激嬲王菲

TVB日前推出一連三集的《死有對証》番外篇「直男拍拖日常」，今集中「直男」高俊（馬貫東飾）面臨女友美寧（王菲飾）的死亡拷問。

影片中，悉心打扮一番的王菲向男友拋出情侶間的經典「送命題」：「我今日有咩唔同？」「福爾摩斯」上身的馬貫東立刻拿出一疊女友的日常手繪畫像作對比，正當他自信滿滿回答「靚咗」，以為能順利過關之際，王菲隨即追問：「咁我邊度靚咗啊？」

不料馬貫東竟直男式神回：「冇咁水腫，尤其係塊面！」一秒激嬲女友：「即係我尋日好腫啦！？」完全未懂收口的馬貫東更火上澆油補刀：「你前一日仲腫啊」，當場辣着女友令王菲憤然離去，場面非常搞笑。