死有對証｜王菲激戰黃俊豪零尷尬！親揭車震戲多角度拍 獲導演下令放膽演

《死有對証》昨晚（1日）迎來高潮！一直對女友千依百順的高俊（馬貫東飾）終於發現美寧（王菲飾）出軌！最令人心痛的是，高俊為了幫女友償還三千萬巨債，甚至打算賣樓套現，絕對是有情有義的「絕世好男友」，點知換來的竟然是一頂超級大綠帽。

劇情講到，高俊無意中得到 Michael（黃俊豪飾）的車 Cam 片，竟親眼目睹女友與對方的「車震」激戰過程，震驚又心碎！高俊忍痛攤牌，美寧初時還想狡辯挽回，但見鐵證如山，竟然將個波推番畀男友，爆出渣女金句：「其實同你一齊咁多年我都好唔開心，因為我想要嘅嘢，你根本畀唔到我，我想同你分手好耐，依家咁樣咪仲好，一了百了！」面對女友的無情反咬，高俊雙眼通紅，最終忍不住落下男兒淚，精湛演技絕對令觀眾睇到眼濕濕。

這場引起網民極大關注的「車震戲」，原來幕後拍攝相當順利！王菲接受 tvb.com 獨家訪問時透露，拍攝前導演特別為他們做心理輔導：「導演叫我哋放膽啲，因為佢話若果我哋就住就住，出嚟個效果尷尷尬尬會唔好睇。」

為了呈現最真實的效果，王菲與 Jeremy 徹底拋開包袱，全程投入角色。她開心表示出來的效果比想像中好：「因為喺架車度都拍咗好多唔同角度，拍咗好多個 Take，好彩每一個 Take 係愈嚟愈好，所有嘢都好順暢，導演都好滿意！」