人情重於友情？｜五星酒店婚宴後公審好姊妹$1000人情　網民：咪學人擺酒啦！｜人情有公價表？

結婚擺酒是人情世故的「照妖鏡」？近日一名自稱32歲的港女在社交平台Threads投稿，大吐苦水指自己與丈夫在五星級的香港瑰麗酒店舉行婚宴，但一位平時「扮晒中產」的好姊妹，竟只給了她$1,000人情。新娘在帖文中寫道：「Honestly 我真係唔想做衰人，但噚晚結完婚拆人情，真係睇清咗所謂『好姊妹』嘅真面目。佢平時出街食飯打卡就扮晒中產，結果噚晚拆佢個人情，得 $1000？？？」

她更直斥對方「又食又拎」，指「我哋per head成本都幾千啦！你封$1000即係要我貼錢請你食飯？」她又指對方「著到靚一靚嚟狂影相，走嗰陣仲擸走多盒Godiva回禮」。新娘表示丈夫勸她「算數」，但她「真係吞唔落呢啖氣」，更揚言想直接發送PayMe連結叫對方「補番差額」，甚至考慮「直接unfriend」。

AI生成圖像

網民一面倒反擊：人到已經係俾面

帖文一出隨即被網民圍攻，大批留言指責新娘「失禮超肉酸」。有網民諷刺道：「呢啲係咪港女特有？如果你去完婚禮有條友嫌你畀人情唔夠畀返條payment link嚟叫你畀多啲，你收到會有咩反應？」亦有網民直言：「知有好多ed人想人夾錢俾佢擺酒　好恐怖　真Fd俾幾錢都吾會介意，個個經濟未必一樣，人到已經係俾面，搵人湊人頭個d吾好利用友情啦」

另有網民更直斥：「你窮就咪學人擺酒啦！」、「下次再封多D比你！」反映社會普遍認為宴請賓客應量力而為，不應將成本轉嫁給親友。更有網民建議新娘若收到PayMe追討，應直接「block 左佢囉。電話、 social media，全面block 晒」。

AI生成圖像

2026人情公價：五星級酒店中位數$1,500　高級酒店為$1,000

根據新婚生活易（ESDlife）最新公布的2026年結婚消費調查，人情公價（人情中位數）按婚宴場地劃分。高級酒店人情中位數為$1,500，一般酒店、私人會所及特色婚宴場地則為$1,000。酒樓、午間婚宴及西餐廳為$800，酒會為$800。若只出席簽紙註冊儀式，人情中位數為$500；只派餅卡而沒有邀請出席婚禮，則為$300。

調查亦指出，人情金額應考慮與新人的關係密切程度，普通賓客、兄弟姊妹或長輩的「心意」各有不同。如喜帖註明「闔府統請」，則需按出席人數計算人情。若不出席但仍有送禮，一般做法是減半至七成。

人情背後：是祝福還是交易？

事件引發社會廣泛討論，有網民直言：「真Fd俾幾錢都吾會介意，個個經濟未必一樣，人到已經係俾面」。人情本來是對新人的祝福，如今卻被部分新人視為「回本」的計算，甚至因金額不及預期而公開公審親友，難免令人質疑：究竟人情是維繫友情的橋樑，還是衡量關係的籌碼？