盧映彤首次做演唱會嘉賓 享受舞台上表演：真係開心到好難形容

馬國明、蕭正楠和曹永廉近日於惠州合體舉行演唱會，並特別邀請了女團「MYNT」進擊內地擔任表演嘉賓。MYNT在台上跳唱表演火力全開，瞬間炒熱全場氣氛！

成員之一的盧映彤（Skylar）事後於社交平台上大晒演唱會的精彩靚相。相中的她穿上白色背心搭配短褲與長boot，全身上下散發著無盡的青春活力，亮眼指數爆燈！

Skylar在社交網感性發文寫道：「多謝三位師兄：馬國明、蕭正楠和曹永廉畀我哋呢個咁寶貴嘅機會，係出道之後第一次可以係演唱會演出🥹喺台上同你哋一齊表演嘅感覺真係好開心好滿足。很喜歡。很享受。」

首次擔任演唱會嘉賓的 Skylar 接受 tvb.com 獨家訪問時直言，原本以為自己會非常緊張：「因為我一直都係緊張底，但點知上到台一啲緊張嘅感覺都冇，反而係好享受，真係開心到好難形容，所以收返嚟嗰啲相全部都笑得好真實同燦爛。」

她更自爆過去因為覺得自己露齒笑不夠好看，所以平時拍照極少露齒笑，「但係睇返啲相全部都基本上忍唔住露齒笑。」

能夠在舞台上發光發熱，Skylar 自言一直以來的堅持並沒有白費：「我真係好鍾意喺台上表演畀大家睇，好感激三位師兄願意畀呢個機會我哋，真係好感動。」

同時，她亦表示自己仍有不少需要改進的地方，希望未來能從每次的經驗中磨練學習、不斷進步：「好似今次手攞咪，有啲舞蹈動作做得冇咁有力同埋俐落，希望之後練多啲可以做得更加好。」展現出相當敬業且積極的態度。