前TVB綠葉北上餐廳 親揭每月蝕錢生意慘淡：唔會放棄演員工作

前TVB綠葉古明華近年在內地發展，直播帶貨、商演等瓣瓣做齊，後來他進軍飲食業，在江門、台山開餐廳，以港式茶餐廳模式營運。而且，他非常勤力，不但事事親力親為，又積極拍片做「生招牌」宣傳，吸引更多客人幫襯。

近日古明華接受訪問指做演員和做餐廳完全是兩件事，「做演員係自己喜歡嘅工作，做餐廳係生活上需要嘅工作」又指當年因機緣巧合下開餐廳。

不過古明華指絕不會放棄演員工作，只要有戲拍就會拍，「一路做住餐廳，一路等機會嚟。」

他又指離開TVB後曾有段時間直播帶貨，初時是設立一個茶餐廳風格的帶貨場地，但其後發現做餐廳更好做，故投資人就決定改成做餐廳，惟現時餐廳的生意慘淡，「其實大環境比較差，我哋嘅生意都唔係好好，我有少少股份喺呢度，都喺度捱緊，大老闆每個月都喺度蝕緊錢，我唔知佢肯蝕到幾時，只要佢話真係頂唔順，咁就冇喇，咁我就要再做返帶貨。」最後他望大家多多幫襯。