正義女神｜蔣祖曼揭內心脆弱一面 回想被虐童年痛哭流淚超心酸

《正義女神》21日一集阿Cat（陳若思飾）被控嚴重傷人罪罪名成立，言惠知（佘詩曼飾）指會索取精神和心理報告再作判刑。

正義女神｜蔣祖曼揭內心脆弱一面 回想被虐童年痛哭流淚超心酸：原來以前細個嘅嘢，一路都喺度

鄭邵玲（蔣祖曼飾）自覺辜負阿Cat（陳若思飾）而愧疚，並自責對惠知表示全因她才會導致阿Cat變成這樣，「我有好大責任，係我做得唔夠好」、「其實做感化官真係好挫折，我哋每日見住青少年犯出出入入轉頭又犯案，我哋根本咩嘢都做唔到，我真係唔想連唯一一個可以支撐我繼續做呢份工嘅成功個案都冇埋」。

邵玲感氣餒說：「我真係好嬲自己，我真係冇資格做一個感化官」。

惠知聽畢邵玲的說話後，指出其自卑問題，「點解你一直都咁冇自信？點解你成日覺得自己唔夠好？點解無論發生咩問題你都推到自己身上？」、「其實好多少年犯嘅內心都好脆弱，佢哋需要可靠堅強嘅大人做佢哋嘅後盾，連你自己嘅內心都唔夠強大，佢哋點樣依靠你？」

惠知的一番話，令邵玲回想小時候被母親虐打更親手送她坐監的往事，再望着被母親用熨斗燙傷的疤痕，由眼紅紅慢慢情緒湧現繼而落淚。

邵文回家見到家姐邵玲落淚，即關心她有沒有事，邵玲痛心地說：「我以為最辛苦嘅日子已經捱過咗， 我以為我捱過咗之後，就咩都唔記得，但原來以前細個嘅嘢，一路都喺度。」

這兩幕完全看出蔣祖曼演的邵玲內心一面，她一直沒有自信，全因童年背景影響，加上阿Cat事件更觸發她內心的脆弱，更自覺無用，不少網民大讚蔣祖曼出色的演技，將邵玲做感化官的掙扎矛盾完美展現出來，特別是她回想童年經歷，與母親的關係痛哭流淚，一句「原來以前細個嘅嘢，一路都喺度」令人睇到眼濕濕，紛紛留言「Joman真係做得好好」、「Joman同邵玲都要畀多啲信心自己」、「我又睇到喊喇」。

另外，其實蔣祖曼曾受訪直認因角色與其相似，導致過份代入角色，令她情緒陷入低谷，一度覺得自己「超垃圾」，幸好獲佘詩曼與總監製鍾澍佳開解，才走出低谷。