正義女神｜朱樂洺與佘詩曼繼《新聞女王》後續前緣 庭上被質問口啞啞勁好戲

《正義女神》16日其中一單案件講述朱樂洺飾演的謝家強涉嫌藏毒，其律師代表他認罪，但因其口供前後矛盾，且呈上的認罪書過於「完美」，令言官（佘詩曼飾）有充分理由懷疑有人在背後操縱一切。

正義女神｜朱樂洺與佘詩曼繼《新聞女王》後續前緣 庭上被質問口啞啞勁好戲 《法證先鋒6》演殺人犯彈起

庭上，言官不停追問謝家強：「收件人好簡單咁寫住陳生收，而你又唔係姓陳，點解你咁確定嗰包裹係你嘅呢？」、「同埋你又點知道包裹入面係你所需要購買嘅毒品？」、「被告人，除咗標點符號之外，頭先你所講嘅嘢同你份求情信上面寫嘅係一模一樣嘅？你背出嚟㗎？」、「你真係以為咁樣可以應付到法庭？」面對連環逼問的壓力，朱樂洺眼神閃縮、口啞啞地望著坐在旁聽席上的師爺，好似「求救」一樣，又如機器人一般生硬地復述被人教過嘅供詞，將受人擺佈的糾結與恐懼演繹得恰到好處，被觀眾激讚是好戲之人。

第26期無綫電視藝員訓練班畢業的朱樂洺，同期同學有何廣沛，曾因客串《愛‧回家之開心速遞》「維修部技工」大口九一角而為觀眾熟悉，2年前在《法證先鋒VI：倖存者的救贖》中演情緒病患殺人犯「曾梓謙」令觀眾留下更深刻印象。

此次演出並非朱樂洺第一次與前輩佘詩曼合作，兩人早在《新聞女王》有過對手戲，朱樂洺屬「文家軍」的一員。朱樂洺還曾感激獲佘詩曼親自教導：「因為我收到呢個角色嘅時候，佢都喺現場，佢仲問我拍到邊度，又即刻叫我攞劇本出嚟同佢分析吓，佢同我講：『我哋SNK嘅個個都一定要好』，到依家我哋大家嘅感情都仲係好好。」