楊卓娜與家人飛馬爾代夫解鎖新技能 因一事驚叫要「Call白車」

楊卓娜近日趁新年與家人飛馬爾代夫旅行，更分享在此行解鎖新技能！原來她克服恐懼，成功挑戰潛水，但要面對自己的心魔並不容易，「多謝靚仔教練同埋楊生鼓勵，無放棄我！」

她指初時非常害怕，不停尖叫更差點要叫白車，「我不停叫『I Need To Go Back ！I Need To Go Back!』🤣講真，當時好似有大石砸住心口，好似有人捻住我條頸，我完全口鼻都呼吸唔到，我覺得我係咁大，我返唔到上岸，😭我唔想同沉船一齊！🤣同埋我冇魚鰓，我唔可以留係水底！但係佢哋仍然冇理我，堅持要我繼續！🤣」

但係當我喺水底成功見到第一條魚，我終於可以慢慢冷靜，終於可以搵返自己嘅呼吸！」 當她發現海底世界原來那麼漂亮，慢慢愛上更不捨離開，「水底世界，真係好靚，🤣我原本只打算喺呢度5分鐘, 結果停留咗一小時，教練打手勢要離開，我卻戀戀不捨！🤣」

她又指已立下新一年目標，「楊生已經幫我set新一年目標，佢要我同Jasmine 去考牌，🤣但係我話目標係，新一年加入海洋關注組，做多啲對海洋有益嘅事，保育我哋嘅美麗大自然。」